تعال وقع بجرحك وانا قلبي كتاب جروح

تعال وقع بجرحك أنا قلبي كتاب جروح
ما يهمك ترى غيرك جرحني ما افتكر فيني

تعال وناظر إحساسي أنا قلبي كتاب جروح
أنا جروحي تبعثر سمها فيني

تصفح كل أوراقي ألم واحساس بي مذبوح
جروح تذهل الناظر وظلمه تسرق سنيني

زوايا القلب تتألم وشرخ في الحنايا ينوح
وعبره تخنق إحساسه ودمع راجف بعيني

زمن فيه ألوفا ولى وسيف الغدر به مسموح
يسله من هوى ذاته ويهوى بس يشقيني

زمن فيه ألانا تقتل مشاعر بين روح وروح
وعلى كثر الألم منها صار الفرح مجفيني

شوف الواقع المؤلم يعشق شوفه المجروح
رسخ في داخلي كلي ووده حيل ينهيني

وإذا ناوي على الفرقا معزم بالجفا بتروح
جميلك قبل ما ترحل تكرم به لجل عيني